Yeni il və ‘’Dünya Azərbaycanlıların həmrəyliyi günü’’ münasibəti ilə “Sevgi boxçası” adlı tədbir keçirilib.

2025-ci il dekabrın 19-da Azərbaycan Qızıl Aypara Cəmiyyətinin Baş Qərargahı və QAC Abşeron Rayon Bölməsinın birgə təşəbbüsi, Abşeron Rayon Mərkəzi Xəstəxanasının dəstəyi ilə hamilə qadınlar və  yeni  dünyaya uşaq gətirən   analar arasında Yeni il və ‘’Dünya Azərbaycanlılarının həmrəyliyi günü’’  münasibəti ilə  tədbir təşkil edilib. Tədbirin məqsədi iştirakçılara bir sıra lazımı və praktiki məlumatların catdırılması və hazırlanmış bayram sovqatlarını təqdim etməkdən ibarət olmuşdur.

Çıxış edənlər tərəfindən tədbirin iştirakçılarına onlara sağlamlıqlarına riayət etmək, lazımı  bilikləri  və məsləhətlərı almaq tövsiyyə edildi. Hər bir qadının həyatında iki fərqli dünyanın şahidinə çevrilə biləcək mərhələ vardır. Bu dünyalar övladların inkişafının əsasını təşkil edən prenatal (doğuşdan əvvəlki, körpənin ana bətnində olduğu 40 həftəlik bir vaxtda), postnatal (doğuşdan sonrakı) dövrlər və xüsusilə ilk 28 gün (prenatal dövr) körpə üçün ən mühüm adaptasiya vaxtıdır. Bunlar, sadəcə bioloji böyümə və həyata qədəm salma deyil, həm də gələcək şəxsiyyətin təməlinin qoyulmasıdır. Ona görə də gənc analara bu haqda bilmələri, hər dövrdə necə davranmaları haqqında məlumatlı olmaları, özlərinə qayğı və diqqətlə yanaşmaları və uşaqlarını sağlam, təhlükəsiz mühitdə böyütmələri vacib amillərdən biridir. Eyni zamanda prenatal dövründə vaxtında məsləhətlərin alınması, doğum dövrünün düzgün qaydada izlənməsi, həkimlər və mütəxəssislər tərəfindən verilən tövsiyələrin riayət olunması bir daha vurğulandı.

Tədbirin sonunda Abşeron Rayon Mərkəzi Xəstəxanasının PHŞ-ın direktoru Səkinə Sadıxova iştirakçılara müraciət edərək  gənc analara  can sağlığı və tükənməz sevgi arzuladı!

    Tədbirin açılışında AzQAC Abşeron rayon bölməsinin sədri Fazilə Hüseynova iştirakçıları salamlayaraq, onları qarşıdan qələn Yeni il və ‘’Dünya Azərbaycanlılarının həmrəyliyi günü’’ münasibəti ilə təbrik edib, Abşeron Rayon Mərkəzi Xəstəxanasının rəhbərliyi və əməkdaşlarına tədbirin keçirilməsinə  şərait yaratıqlarına  görə təşəkkürünü bildirdi.

           Tədbirin sonunda hazırlanmış “ Sevgi boxçası” hədiyyələrı analara paylanıldı və xatirə şəkilləri çəkildi.