Mina və partlamamış hərbi sursatların təhlukələrinə dair maarifləndirmə sessiyalarına start verildi

2026-cı ilin əvvəlindən etibarən, Azərbaycan Qızıl Aypara Cəmiyyəti təlim keçmiş könullulərin iştirakı ilə mina və partlamamış hərbi sursatların təhlükələrinə dair maarifləndirmə sessiyalarına yenidən start vermişdir. Bu il ərzində də fəaliyyətlərin işgaldan azad olunmuş ərazilərdə, eləcə də keçmiş məcburi köçkünlərin məskunlaşdığı müxtəlif bölgələrdə həyata keçirilməsi nəzərdə tutulmuşdur.

Bu yönümlü keçirilmiş tədbirlərdən biri də 2026-cı il yanvarın 12-də Bərdə şəhərində məcburi köçkünlərin məskunlaşdığı 866 saylı qəsəbədə həyata keçirilib. AzQAC-ın Bərdə şəhər bölməsinin xüsusi təlim keçmiş könüllüləri həmişə olduğu kimi əhali arasında maarifləndirmə işlərini yuksək səviyyədə davam etdirilib. Cəmiyyətin uğurla həyata keçirdiyi bu yönümlü fəaliyyətlər əhali tərəfindən müsbət qarşılanıb. Eyni zamanda, qəsəbədə yerləşən məktəbin pedaqoji və şagird kollektivi bu yönümlü tədbirlərin həyata keçməsində göstərdikləri təşəbbüsə görə AzQAC-ın rəhbərliyinə təşəkkürlərini çatdırmağını xahiş ediblər.

Tədbirdə AzQAC-ın İcraçı Katibinim müavini, silahlara qarşı mübarizə layihəsinin rəhbəri Məmməd Kətanov, AzQAC-ın Bərdə şəhər bölməsinin sədri Rəfael Vəliyev və bölmənin könüllüləri iştirak etdilər.