Lənkəran Regional Perinatal Mərkəzində görüş

2026-ci il yanvarın 16-da Azərbaycan Qızıl Aypara Cəmiyyətinin Lənkəran Regional Mərkəzinin könüllüləri Lənkəran Regional Perinatal Mərkəzinə səfər ediblər. Səfər çərçivəsində Perinatal Mərkəzdə müalicə alan hamilə xanımlara və yeni doğulmuş körpələrə humanitar dəstək məqsədilə “Pampers Premium Care” uşaq bezləri paylanılıb. Bu təşəbbüs ana və körpələrin rifahının yaxşılaşdırılmasına, onların bu həssas dövrdə ehtiyaclarının bir qədər də olsa qarşılanmasına töhfə vermək məqsədi daşıyıb. Könüllülər tərəfindən göstərilən bu diqqət və qayğı iştirakçılar tərəfindən məmnunluqla qarşılanıb.