Nizami rayonunda Gənclər Günü qeyd olundu

2026-cı il fevralın 2-də Azərbaycan Qızıl Aypara Cəmiyyətinin Nizami rayon bölməsində 2 Fevral – ‘’Azərbaycan Gəncləri Günü’’ münasibətilə tədbir keçirilib.

AzQAC-ın Bakı Regional Mərkəzinin koordinatoru Rəna İbrahimova öz çıxışında gəncləri bayram münasibətilə təbrik edərək bildirib ki, Ümummilli Lider Heydər Əliyevin əsasını qoyduğu gənclər siyasəti bu gün Azərbaycan Respublikasının Prezidenti cənab İlham Əliyev tərəfindən uğurla davam etdirilir. O, gənclərin AzQAC-ın həyata keçirdiyi sosial layihələrdə, humanitar aksiyalarda və maarifləndirmə tədbirlərində fəal iştirakını xüsusi qeyd edib.

AzQAC-ın Nizami rayon bölməsinin sədri Günay İbrahimova isə gənclərin fəaliyyətini yüksək qiymətləndirərək onlara yeni nailiyyətlər və uğurlu gələcək arzulayıb.

Tədbir çərçivəsində tərəfdaş şirkətlərin nümayəndələri gənclərə öz xoş arzularını çatdırıblar. AzQAC-a göstərdiyi dəstəyə və humanitar fəaliyyətə verdiyi töhfəyə görə “Soel Parfum” şirkətinə təşəkkürnamə təqdim olunub.

Sonda könüllülərin təklifləri dinlənilib, onların bilik və bacarıqlarının inkişafı ilə bağlı fikir mübadiləsi aparılıb, bayram tortu kəsilib və könüllülərə hədiyyələr təqdim olunub.

Tədbirdə “Asfarma”, “Soel Parfum”, “Seni” və “Güvən Dayə” şirkətlərinin nümayəndələri, AzQAC-ın Nizami rayon bölməsinin könüllüləri iştirak ediblər.