2026-cı il
fevralın 10-da Azərbaycan Qızıl Aypara Cəmiyyətinin Baş ofisində Qarabağ
İqtisadi Regionunun rayon bölmələrindən 14 könüllü üçün İlk Yardım və
Psixososial dəstək mövzularında biliklərin artırılması təliminə start verilib.
Təlimdə AzQAC-ın İcraçı Katibinin müavini, Sağlamlıq və Qayğı şöbəsinin müdiri Səbinə Məhbubi-İran iştirakçıları salamlayaraq , təlimin məqsədini və keçirilməsi qaydasını təqdim edib. Təlimin əsas məqsədi iştirakçıların əvvəl verilmiş biliklərinin yenilənməsi, əhatə olunmuş və olunmamış mövzuları müəyyənləşdirmək, həmçinin onları növbəti mərhələyə – təlimçi səviyyəsinə hazırlamaq olub. İştirakçılara mövzuların qruplar üzrə bölünməsi və təqdimat üsulları təqdim olunub.
3 gün davam edən
16 saatlıq təlim proqramına nəzəri və praktiki məşğələlər daxil edilib,
iştirakçılara əlavə mövzular – daşınma qaydaları və çeşidləmə təqdim olunub.
Dr. Şahin Biləndərli, mövzular
üzrə
təhlillər
və iştirakçıların biliklərinin yenilənməsi üçün təqdimatlar edib.
Günün son mərhələsində iştirakçılara
təlimin və tədbirin
təşkil olunması qaydaları təqdim olunaraq, tədbirlərin mərhələləri,
təşkilati və texniki məsələlər
xüsusi qeyd olunub.
