2026-cı il fevralın 12-də Azərbaycan
Qızıl Aypara Cəmiyyətinin (AzQAC) Baş ofisində Qarabağ İqtisadi Regionunun
rayon bölmələrindən olan könüllülər üçün 3 günlük İlk Yardım və Psixososial
dəstək mövzularında təlim başa çatdırılıb.Təlimin son günündə könüllülər öz çıxışlarını davam
etdirərək növbəti mövzuları (Tənəffüs yollarında yad cisim, İlk Yardım
anlayışı, İlk yardımın məqsədləri və qaydaları) təqdim ediblər. Təqdimatlar
praktiki nümayişlərlə müşahidə olunub və yenə də aparıcı təlimatçılar tərəfindən
şərh edilib.Sonda iştirakçılara son mövzular “Çeşidləmə
qaydaları” (bir neçə zərər çəkən olduğu halda İY göstərilməsinin ardıcıllığı,
bir neçə zərər çəkən olduğu halda İY göstərəndən sonra daşınmanın ardıcıllığı,
fövqəladə hal zamanı İY göstərilməsinin ardıcıllığı və “Daşınma üsullarının
izahı və üsulu” (xərək ilə, xərəksiz, bir nəfərin və ya bir neçə nəfərin iştirakı
ilə) təqdim edilib. İştirakçılarla birlikdə 2-3 daşınma üsulları nümayiş
olunub. «Zəlzələdən Sonra Dağıntı» adlı kiçik simulasiya tapşırığı
zamanı iştirakçılarla ətraflı kimlərə və hansı ardıcıllıqla köməyin göstərilməsi
və göstərilən köməyin səbəbləri müzakirə olunub. Könüllülərə simulyasiya
tapşırığı vasitəsilə bütün 3gün ərzində verilən biliklər tam əhatə olunub və bununla
da təlim öz işini yekunlaşdırıb.
