AzQAC-ın Nəsimi rayon bölməsində
qeydiyyatda olan kimsəsiz və aztəminatlı ailələrə dəstək məqsədilə adının
hallanmasını istəməyən xeyirxah iş adamı tərəfindən ərzaq bağlamaları təqdim
edilib. Tədbirin əsas məqsədi cəmiyyətin həssas təbəqələrinə bayram sevincini
yaşatmaq, onların gündəlik ehtiyaclarının qismən də olsa qarşılanmasına kömək
etmək və cəmiyyətimizdə paylaşma, həmrəylik dəyərlərini təşviq etmək olub.
Bu xeyriyyə
tədbiri mərhəmət, paylaşma və birlik rəmzinə — uyğun şəkildə, cəmiyyətimizdə
qayğıkeşlik və həmrəylik ruhunu gücləndirməyə xidmət edir. QAC Nəsimi Rayon
Bölməsinin sədri Şəbnəm Bağırlı xüsusi
olaraq vurğuladı ki, artıq bzimlə
əməkdaşlıq etmək istəyən xeyirxah iş adamlrının sayı artmaqdadır. Bu
təşəbbüslərin artmasının əhəmiyyətini
vurğulayaraq, xeyriyyəçi insanlara öz
təşəkkürünü bildirdi. Qeyd edək
ki, bu tip xeyriyyə tədbirləri cəmiyyətdə sosial həmrəyliyin gücləndirilməsinə
və ehtiyacı olan şəxslərə dəstəyin artırılmasına xidmət edir.
