Cənub bölgəsində AzQAC könüllüləri üçün təlim təşkil olunub

25-26 aprel 2026-il tarixlərində Lənkaran şəhərində  AzQAC Lənkaran və Yardımlı Rayon bölmələrinin AzQAC Lənkaran RM-nin təşkilatçılığı, Beynəlxalq Qızıl Xaç və Qızıl Aypara Cəmiyyətləri Federasiyasının maliyyə və texniki dəstəyi ilə işçi heyyəti və könüllülərinə “Humanitar Xidmət Mərkəzinin qurulması ”, “Kimyavi Bioloji Radioloji Nüvə silahları istifadə olunduğu şəraitdə könüllülərin rolu və davranışı”, “İlk Yardım/İlk Psixoloji Yardım və Psixososial Dəstək ” mövzularında təlim keçirilib. İki günlük təlimin əsas məqsədi — böhran zamanı həm özünü, həm də əhalini qorumağı bacaran, peşəkar və dayanıqlı könüllü komandası yaratmaqdır.

Təlim AzQAC-ın İcraçı katibinin müavini/Sağlamlıq şöbəsinin müdiri Səbinə Məhbubi-İran, İcraçı Katibin müavini Elşən Səlimzadə və cəmiyyətin İlk yardım koordinatoru Şahin Biləndərli tərəfindən keçirilib.

Təlimin təqdimat hissəsində Səbinə Məhbubi-İran və Elşən Səlimzadə tərəfindən könüllülərə müraciət olunub. Xüsusi olaraq qeyd edildi ki, hazırlıqlı könüllü təhlükəsiz Milli Cəmiyyət deməkdir. Könüllü kömək etməklə yanaşı, həm də hazırlıqlı olmalı, lazımı bilik və bacarıqları əldə etməlidir. Fövqəladə hallar xəbərdarlıq etmədən baş verib. Kimyəvi, bioloji, radioloji və nüvə  (CBRN) təhdidləri, yardım mərkəzlərin  yaradılması və iş prinsipləri, İlk Yardımın, İlk Psixoloji Yardım və Psixososial dəstək üzrə biliklərin mənimsəmlənməsi və müvafiq köməyin göstərilməsi üçün xüsusi hazırlıq tələb edib. Məhz bu səbəbdən AzQAC könüllüləri üçün yuxarıda qeyd olunan mövzular əasasında silsilə  təlimlər təşkil olunub.

İki günlük intensiv təlim proqramı çərçivəsində iştirakçılara ilk növbədə Kimyəvi, Bioloji, Radioloji və Nüvə təhlükələrinin mahiyyəti və dörd əsas təhlükə qrupu barədə geniş məlumat verilib. Təlimdə könüllülərin böhran anındakı rolu, davranış qaydaları və səlahiyyət çərçivələri «Özünə zərər verməmək» alqoritmi əsasında izah edilmiş, təhlükə zonalarının xəritələndirilməsi, ilk 10 dəqiqədə operativ hərəkət planı, fərdi müdafiə vasitələrindən istifadə və dekontaminasiya qaydaları praktiki şəkildə nümayiş olunub. Eyni zamanda, əhali ilə işin xüsusiyyətləri diqqət mərkəzində saxlanılaraq, fövqəladə hallar zamanı yayılan şayiələrin qarşısının alınması metodları iştirakçılara təqdim edilib. Təlimin növbəti mərhələsində isə Humanitar Xidmət Mərkəzlərinin  yaradılmasının səbəbləri, yaradılma zərurəti, fəaliyyət prinsipləri, təqdim olunan xidmətlərin təşkili qaydaları ətraflı şəkildə izah olunub.

Böhran anında tam dəstəyin göstərilməsinə İlk Yardımdan başlayaraq İlk Psixoloji Yardım, Psixososial Bərpaya Qədər göstərilən xidmətlər daxildir. Gözlənilməz hadisələr və fövqəladə hallar zamanı insan həyatını xilas etmək tibbi müdaxilə ilə yanaşı, həm fiziki, həm də mənəvi bütövlüyün qorunmasını tələb edib. İlk yardım – hadisə yerində peşəkar tibbi heyət gələnə qədər həyata keçirilən operativ müdaxilədir. Burada əsas məqsəd həyati funksiyaları qorumaq, qanaxmalar, sınıqlar, kritik hallar zamanı ilk yardım göstərmək və vəziyyətin ağırlaşmasının qarşısını almaqdır. Lakin fiziki yara sağalmağa başlasa da, hadisənin buraxdığı izlər insanın daxili dünyasında qalıb. Məhz bu məqamda ilk psixoloji yardım dövrəyə girir. İPY çətin vəziyyətdə olan insana göstərilən ilk praktiki dəstəkdir. "Bax, Dinlə, Əlaqə qur" prinsipləri üzərində qurulan bu addım, zərərçəkmişi sakitləşdirməyə, onu təhlükəsiz hiss etdirməyə və tənha olmadığını hiss etdirməyə xidmət edib. Böhranın kəskin mərhələsi keçdikdən sonra isə psixososial dəstək prosesi başlayıb. Bu mərhələ fərdin, ailələrin və icma üzvlərinin yenidən cəmiyyətə adaptasiyasına və sarsıntıdan sonrakı uzunmüddətli bərpasına yönəlir, insanların öz daxili resurslarını kəşf etməsinə və sosial bağlarını gücləndirməsinə kömək edib.

İki günlük təlim mövzular əsasında izahatlarla yanaşı, eyni zamanda grup işləri və praktiki məşğələlər də müşayiət olunub. İşçilərə və könüllülərə verilən biliklərə dair belə bir tapşırıqların mütəmadi olaraq öz aralarında təşkil edilməsi tövsiyə edilib.

Tədbirin sonunda AzQAC-ın Lənkəran Regional Mərkəzinin koordinatoru Zəfər Miriyev çıxışında  qeyd etdi ki, hər hansı sa bir böhranda (zəlzələ, qəza, gözlənilməz kimyəvi silahların istifadəsi, insan axını) baş verdikdə insanlar panika içində olur və onların köməyə ehtiyacı var. Könüllülər nə etməli, hara getməli, necə özlərini və digərlərini qorunmalarını bilməlidir. Ona görə də işçi heyəti və könüllüləri üçün aparılan silsilə  və regionun aparıcı bölmələrini əhatə edən təlimlərin keçirilməsinə görə minnətdarlığını bildirərək, bu biliklərin mütəmadi olaraq xatırlamasının vacibliyi vurğuladı. Cünki, humanitar fəlakətlər zamanı ən böyük güc — hazırlıqlı insandır və bilikli, hazırlıqlı işçi heyyəti və könüllülər böhranlar zamanı aparıcı qüvvədir.