Əziz dostlar!
Ümumdünya Qızıl Xaç və Qızıl
Aypara Günü ideyası Birinci Dünya Müharibəsindən sonra, Qızıl Xaçın 14-cü Beynəlxalq
Konfransında "bütün dünyada tətbiq oluna biləcək və sülhə böyük töhfə verəcək
illik aksiya" müzakirə edilərkən ortaya çıxıb.
8 may tarixinin seçilməsi isə Beynəlxalq Qızıl Xaç Komitəsinin
yaradıcısı Anri Dünanın doğum günü olması ilə bağlıdır. Əvvəllər "Beynəlxalq
Qızıl Xaç Günü" kimi tanınan ilk bayram 1948-ci il mayın 8-də qeyd
edilib.
Günün rəsmi adı zamanla dəyişərək 1984-cü ildən "Ümumdünya Qızıl
Xaç və Qızıl Aypara Günü" kimi qəbul olunub.
Bu gün hər il olduğu kimi, Qızıl Xaç və Qızıl Aypara könüllülər şəbəkəmizi
ucaltmaq, ümumi bəşəriyyətə olan sarsılmaz sadiqliyimizi bir daha təsdiqləmək və
Fundamental Prinsiplərimiz barədə düşünmək üçün bir fürsətdir.
2026-cı ildə bu günə aid müəyyən edilmiş rəsmi şüar "Bəşəriyyət naminə" kimi səslənir.
Bundan əlavə, bir sıra regional kampaniyalarda "İnsanlıq tərəfində"
(On the side of Humanity) və ya "Bəşəriyyəti yaşadaraq"
(Keeping Humanity Alive) kimi köməkçi şüarlardan da istifadə olunur.
Bu şüarlar ümumilikdə öz icmalarına kömək edən, onların ayrılmaz hissəsi
olan, böhran anlarında icmaların yanında kənar şəxs kimi deyil, onların bir
parçası kimi dayanan könüllülər və əməkdaşların
əvəzsiz rolunu vurğulayır. Getdikcə mürəkkəbləşən və parçalanan dünyada onlar mərhəməti
fəaliyyətə çevirərək, ən vacib anlarda ümid, ləyaqət və dəstək təqdim edirlər.
Bu gün, həmçinin, neytral, müstəqil və qərəzsiz dəstəyin harada
olmalarından asılı olmayaraq, ehtiyacı olan hər kəsə çatmasını təmin edərək
humanitar fəaliyyəti dəstəkləmək və qorumaq üçün bir çağırışdır. 2026-cı il
mövzusunun əsas istiqamətləri bunlardır:
-Yerli icmaların dəstəklənməsi: Humanitar
yardımın zərərçəkmişlərin yanında olan, onlarla eyni mühiti paylaşan insanlar tərəfindən
göstərildikdə daha effektiv olmasının etirafı;
-İnsanpərvərliyin qorunması: Böhranın miqyasından və
statistikadan asılı olmayaraq, hər bir fərdin ləyaqətinə və onlara qarşı şəfqət
hissinə göstərilən xüsusi diqqət.
Beləliklə hamımızı “Bəşəriyyəti yaşatmaq naminə İnsanlığın tərəfində”
olmamıza çagırıram və hamımızı bu gün münasibəti ilə təbrik edirəm!