Uşaqlar üçün növbəti tədbir keçirilib

“1 İyun  Uşaqların Beynəlxalq Müdafiəsi” Günü münasibətilə Azərbaycan Qızıl Aypara Cəmiyyətinin Gənclər komitəsi tərəfindən 4 nömrəli Uşaq Somatik Sanatoriyasında bayram tədbiri təşkil olunub.

Tədbirin əsas məqsədi uşaqların hüquqlarının müdafiəsinə diqqət çəkmək, onların sağlam, təhlükəsiz və xoşbəxt mühitdə böyümələrinin vacibliyini vurğulamaq, həmçinin onlara unudulmaz bayram sevinci yaşatmaq olub.
Tədbirdə Azərbaycan Qızıl Aypara Cəmiyyətinin Gənclər komitəsinin, təşkilat şöbəsinin əməkdaşları və könüllüləri fəal iştirak edərək, uşaqlar üçün müxtəlif əyləncəli və maarifləndirici fəaliyyətlər təşkil ediblər.

Tədbir zamanı onlara hədiyyələr təqdim olunub və onlara xoş əhval-ruhiyyə bəxş olunub.

Azərbaycan Qızıl Aypara Cəmiyyəti gələcəkdə də uşaqların sosial rifahına və inkişafına töhfə verən bu qəbirdən olan layihə və tədbirlərin həyata keçirilməsini davam etdirəcəkdir.

Tədbirdə AzQAC-ın İcraçı Katibin müavinləri Xalidə İsgəndərova, Elşən Səlimzadə, Gənclər komitəsinin sədri Türkanə Atakişiyeva, Sanatoriyanın Rəhbərliyi, AzQAC-ın Xocavənd rayon bölməsinin əməkdaşları və könüllülər iştirak ediblər.