Ahıllar ziyarət olunub

1 oktyabr – Beynəlxalq Ahıllar Günü münasibətilə Qızıl Aypara Cəmiyyətinin Pirallahı rayon bölməsi və Pirallahı Gənclər evinin birgə təşkilatçılığı ilə Pirallahı rayonunda ahıllara ziyarət təşkil olunub.
 
Ziyarətdə Qızıl Aypara Cəmiyyətinin Pirallahı rayon bölməsinin sədri Təranə İskəndərova, Pirallahı Gənclər evinin direktoru Arzu Qarazadə, əməkdaşlar və könüllülər iştirak ediblər.
 
Ziyarət zamanı ahıllarla səmimi söhbətlər aparılıb, onların qayğıları ilə maraqlanılıb və Beynəlxalq Ahıllar Günü münasibətilə onlara sovqatlar təqdim olunub.
 
Görüş zamanı ahıllara diqqət və qayğının göstərilməsinin, onların daim diqqətdə saxlanılmasının vacibliyi vurğulanıb.