OCA(C) beynəlxalq seminarı

Özbəkistanın paytaxtı Daşkənd şəhərində Milli Cəmiyyətlərin Təşkilati Potensialının Qiymətləndirilməsi (OCA(C) üzrə mühüm üçgünlük seminar öz işini başlayaraq uğurla yekunlaşdırılmışdır.
 
2026-cı il 29 sentyabr – 1 oktyabr tarixlərini əhatə edən tədbir, Kanada Qırmızı Xaç Cəmiyyətinin maliyyə dəstəyi ilə Beynəlxalq Qızıl Xaç və Qızıl Aypara Cəmiyyətləri Federasiyası (IFRC) tərəfindən təşkil olunmuşdur. Tədbirə ev sahibliyi edən tərəf və baş iştirakçı Özbəkistan Qızıl Aypara Cəmiyyətidir (ÖQAC).
 
OCA(C) seminarı — IFRC-nin kompleks aləti olduğundan əsasə məqsəd, Milli Cəmiyyətlərin daxili strukturunun, resurslarının, nizamnamə və operativ fəaliyyətinin, habelə növbəti 3-5 il üçün strateji baxışının dərindən təhlil edilməsinə yönəlmişdir.
 
Məhz bu məqam seminarın aparıcı beynəlxalq fasilitatorları tərəfindən xüsusilə vurğulanmışdır: Azərbaycan Qızıl Aypara Cəmiyyətinin İcraçı katibinin müavini Səbinə Məhsubi-İran, Beynəlxalq Federasiyanın Qazaxıstandakı Nümayəndəliyinin Milli Cəmiyyətin Təşkilati İnkişafı üzrə rəhbəri Olesya Juravlyova və Beynəlxalq Federasiyanın Qazaxıstandakı Nümayəndəliyinin Maliyyə və İnzibati Məsələlər üzrə koordinatoru Svetlana Pak, seminarın əvvəlində fasilitatorlarla keçirilən təlimin proqramını təqdim edərək, prosesin əsas istiqamətlərini və iştirakçılardan olan gözləntiləri qeyd etmişdirlər.
 
Tədbirin elə ilk günündən etibarən ÖQAC-ın bütün strukturları tərəfindən maksimum maraq, yüksək fəallıq və həmrəyliy nümayiş olunmuşdur. Seminarın işində təşkilatın ali rəhbərliyi — Sədr Zafardjon Raxmanov və Baş Katib Sevara Raximova iştirak etmişdirlər. Onlar açılış nitqləri və ekspert təqdimatları ilə bütün sessiya üçün yüksək işgüzar temp və motivasiyaedici abu-hava yaratmışlar.
 
Seminarın rəngarəngliyinə və inklüzivliyinə xüsusi dəyər qatan məqam o idi ki, müzakirə masası ətrafında baş qərargahın əsas departament rəhbərləri, respublikanın bütün regional və vilayət mərkəzlərinin direktorları, həmçinin təşkilatın aktiv könüllüləri toplanmışdır. Bu cür genişmiqyaslı heyət həm mərkəzi aparatın, həm də yerlərdə birbaşa həssas əhali qrupları ilə gündəlik fəaliyyət göstərən şəxslərin rəylərini nəzərə almağa imkan vermişdir.
 
Seminarın proqramı interaktiv qarşılıqlı əlaqə və praktiki sessiyalar üzərində qurulmuşdur. Fasilitatorların rəhbərliyi altında iştirakçılar mərhələli şəkildə Qızıl Ayparanı təqdim edən əsas məqamlar, Milli Cəmiyyətin fəaliyyət əsasları, maliyyə idarəetməsi imkanları və hazırlıq göstəricilərinin təhlili kimi fundamental mövzuları nəzərdən keçirmişlər.
 
Metodologiyanın ən mühüm və dinamik elementi isə qrup işləri olmuşdur. Çoxfunksiyalı kiçik qruplara bölünən iştirakçılar, Özbəkistan kontekstində ehtimal olunan problemlərin təhlili və növbəti 3-5 il ərzində gələcək vəziyyətin inkişaf ssenarilərinin modelləşdirilməsi üzrə genişmiqyaslı beyin fırtınası həyata keçirmişlər. Komandaların diqqət mərkəzində müasir dövrün 3 ən aktual çağırışı yer almışdır:
1.       İqlim böhranı: su resurslarının çatışmazlığı və bunun əhalinin sağlamlığına təsiri.
2.     Demoqrafik artım və sürətli urbanizasiya prosesləri.
3.     Səhiyyə sahəsindəki problemlər: ən aktual xəstəliklər.
Qrup müzakirələri zamanı regional liderlər və könüllülər müstəsna fəallıq göstərərək, riskləri geniş şəkildə təhlil etmiş, inkişaf və operativ reaksiya üzrə strateji planlar üçün konkret təkliflər formalaşdırmışlar. İştirakçılar humanitar yardım proqramlarının necə təkmilləşdirilməsi, dövlət qurumları və tərəfdaşlarla necə effektiv qarşılıqlı əlaqə qurulması, habelə böyük şəhərlərdə və regionlarda Milli Cəmiyyətin və gənclərin potensialından necə səmərəli istifadə edilməsi yollarını aramışlar. Hər bir qrupun işinin nəticələri açıq müzakirə üçün ümumi plenar iclasa çıxarılmış və burada iştirakçılar gələcəyə dair ümumi baxışı daha da tamamlayaraq razılaşdırmışlar.
 
Seminar oktyabrın 1-də əsas təşkilati və strateji prioritetlərin müəyyənləşdirilməsi, həmçinin dərhal və mərhələli şəkildə müdaxilə tələb edən sahələrin təqdimatı ilə öz işini yekunlaşdırmışdır.
 
Rəhbərliyin, regional bölmələrin və könüllülərin bu tədbirdəki yüksək birgə fəaliyyəti sübut etdi ki, Özbəkistan Qızıl Aypara Cəmiyyəti müasir çağırışlara sadəcə uyğunlaşmır, həm də dövlətin və cəmiyyətin etibarlı humanitar tərəfdaşı olaraq öz gələcək strategiyasını proaktiv şəkildə qurur.
 
Seminar, Beynəlxalq Federasiyanın təşkilati inkişaf sahəsində effektiv bir mexanizmi qismində çıxış edərək, Milli Cəmiyyətlər arasında əməkdaşlığın gücləndirilməsinə və təcrübə mübadiləsinə töhfə vermişdir. Fəaliyyət, Türk Dövlətləri Təşkilatına (TDT) daxil olan ölkələrin — Azərbaycan, Qazaxıstan, Qırğızıstan, Türkiyə və Özbəkistanın Qızıl Aypara Cəmiyyətlərinin "Qırmızı Şəbəkə" rəsmi konsepsiyası çərçivəsində qurulmuşdur. Bu tədbir, 2025-ci il Bakı Bəyannaməsinin və orada nəzərdə tutulan qarşılıqlı əməkdaşlıq və strateji tərəfdaşlıq addımlarının dərinləşdirilməsinin praktiki təzahürünə çevrilmişdir.
 
Seminar qarşılıqlı təşəkkür ifadələri ilə başa çatmışdır. ÖQAC rəhbərliyi və iştirakçıları beynəlxalq ekspertlərə göstərdikləri hərtərəfli dəstəyə və yüksək peşəkarlıqla apardıqları fasilitasiyaya görə dərin minnətdarlıqlarını bildirmişlər. Qeyd olunmuşdur ki, bu yanaşma Milli Cəmiyyətə mövcud vəziyyəti ətraflı təhlil etmək, daxili tələbatları dəqiq müəyyənləşdirmək və gələcək strateji, təşkilati və operativ fəaliyyət planını formalaşdırmaq imkanı vermişdir. Öz növbəsində, fasilitatorlar da ÖQAC komandasına iş prosesində göstərdikləri yüksək fəallıq, açıqlıq və məhsuldar iştiraka görə təşəkkür etmişlər.